Cantadores de Torpè________________________Franziscu Satta

Fit naschidu in Torpè su 19 de maju de su 1937 e nd'est mortu in Torpè su 20 de abrile de su 1999. Siche fit emigradu, comente medas ateros torpinos e at coladu bona parte de sa vida in Roma; ma, comente bonu sardu, no at mai sessadu de cantare e de ponner poesias. Ghiradu a bidda chin sa familia s'est dedicadu a su contivizu de s'arte poetica. Cantadore a bolu, sa poesia po isse fit sa vida mantessi, cantaiat semper, in donzi ocasione, massimu cando b'aiat ateros poetas. Po chi no esseret un'omine istudiadu teniat una discreta cultura chi s'aiat fatu po contu sou e potiat cantare temas religiosos, istoricos e morales. Ha cantadu finzas in palcu e at otennidu riconnoschimentos in prus de una rassigna de cantadores. Prus chi no iscritos, de s'opera sua s'agatan sas registraziones fatas dae isse mantessi o dae calchi apassionadu. Su metru sou fit s'otava ma ischiat ponner finzas bellos sonetes e cantare modellos e modas.