Cantadores de Torpè________________________Nicolinu Tarquini

RISPOSTA A UN'AMIGU CHI SI DAT BANTU DE POETE
(modellu)

Eco, sa Musa si faghet de goi,
isculta 'ene e dai atenzione
ca dae s'Ipocrene est gai fata
su fiore de mesu lassa a poi
adata bessit dogni espressione.
Isculta 'ene e dai atenzione
ca dae s'Ipocrene est fata gai
isculta 'ene e atenzione dai
ch'est fata gai dae s'Ipocrene
atenzione dai e isculta 'ene
ca dae s'Ipocrene est gai fata
ca dogni espressione 'essit adata
cando cumponet bene su poete.
Si misura non b'at e non b'at mete
est pianta isporada de natura
si non b'at mete e non bi at misura
est de natura pianta isporada
si no b'at mete e misura non b'ada
si contat unu miseru zapinu.

Pro leare precisu su caminu
devet a Paradisu primu intrare
su caminu precisu pro leare
devet intrare primu a Paradisu
pro leare su caminu precisu
s'isbagliat cussu invan'est si s'atontat.

Eco, sa Musa si faghet de goi,
………………………………….
unu miseru zapinu si contat.

Si apenas naschidu unu tramontat
in sa vida terrena it'est ch'at bidu?
si tramontat apena unu est naschidu
it'est ch'at bidu in sa vida terrena?
si tramontat naschidu est unu apena
it'est ch'at bidu in sa terrena vida?
s'apenas bil'at dada 'enit finida
tando si contat fora 'e su comunu.

Eco, sa Musa si faghet de goi,
………………………………
de miseru zapinu contat unu.

Apo intesu cantende calicunu
e de poete su 'antu s'at dadu
però jeo apo 'idu e osservadu
nende mancu azigu b'at cumpresu
calicunu cantende l'apo intesu
no b'at cumpresu mancu azigu nende
calicunu intesu apo cantende
no b'at cumpresu nende mancu azigu,
pro contu meu lu ponzo in castigu

ca cantan e non dana atenzione
a parte chi sustanzia non b'ada
los lasso fora 'e circulazione
eco sa Musa mea terminada.