Cantadores de Torpè__________________Rimundu Manca

Fit naschidu in Torpè su 3 de maju de s'annu 1886 e nd'est mortu in Torpè su 19 de santucaini de su 1976. Fit unu massaju e po sos tempos fit finzas istruidu ca aiat fatu sa cuinta elementare. Est istadu richiamadu pro faghere sa gherra europea in su 1915/18 e finzas pro sa sigunda gherra mondiale in su 1939 a s'edade de chimbantatres annos. In su primu dopogherra est istadu cunsizeri comunale prus de una 'olta e finzas vicesindigu de Torpè. Po trint'annos at fatu su "Giudice conciliatore" e in sos annos 1951-52 su "Commissario Prefettizio". Poete a taulinu teniat una vena bundosa massimu in sas poesias satiricas. Sos iscritos suos sono istados perdidos e sas poesias chi presentamus son cussas pagas ch'an goglidu sos fizos Boninu e Gesuinu. Sa poesia Nicola meu sa mela 'urata est leada dae sa registrazione de sa naradura a boghe de su nebode Salvadore Ghisu.