Cantadores de Torpè________________________Salvadore Craba Mattiu

Salvatore Capra, est naschidu in Torpè su 6 de freagliu de su 1932. Nebode, fizu 'e frade, de su poeta Salvadore Mattiu po su cale est istadu pesadu. At fatu sas iscolas elementares e poscas d'aer leadu sa lissenza at depidu fagher su massaju finas a s'edade de vintichimb'annos, cando, in su milli e noichentos chimbantasete, sich'est emigradu in Olanda. In Olanda at trivagliadu finzas a su milli e noichentos norantaduos, cando, pensionadu, sich'est ghiradu in totu a bidda. Creschidu in d'una familia de poetes at cuminzadu a ponner cantones dae s'edade de doigh'annos e at sighidu a cantare in poesia finzas a como. At iscritu pagu ca sa poesia po isse fit e nd'est cussa cantada a bolu. Infatis intemes de silas iscrier, sas cantones suas, silas at registradas cantendesilas comente 'essian in su mamentu. At postu cantones meda: otavas, sonetes, modellos e modas; sos temas preferidos sono cussos religiosos e morales.