PRO SA FINE DE SU CONCILIU (1965)
(sonete)

Sessantachimbe s'oto de nadale
serrat su Conciliu a gloria e bantu
de s'Eclesia Vera, in totue
ofrin a sa "Pura e senza manza"

Pius festosos innos d'alabanza
fra de raros incensos alma nue.
Esultat oe su mundu totucantu
Ocasu e Oriente tale e cale.

O mama de s'Eternu ispeciosa
ghia perfeta sa pius sigura,
nois prodigos fizos incamina

a s'eleta Sionne, sa divina,
suprema, deliziante, sacra altura
ue totus t'aclaman "Vitoriosa".

PRO GIOVANNINU FENU
(sonete)

Sa dipartida tua pensaia
esser de tempus meda pius lontana
cand'invezzes ispintu sì d'arcana,
nobile, forte e manna bramosia.

Ti tucas a su monte d'Oliana
solu sena niunu in cumpanzia
in chirca no d'incognita funtana
o d'ervas raras ch'at Corrasi ebbia.

Andas Giovanninu, d'ardimentu
pienu, alta chimas pro lograre,
fra misterios puru in s'intentu,

d'antros fadados suos penetrare
un'anzelu però, almu momentu,
fit cue menzus logos a ti dare.