Cantadores de Torpè_____________________________Luca Doddo

MUTOS A S'ANTIGA

S'annu passadu in su mese 'e abrile
so coladu in monte 'e Mamujada
e fit ancora cobertu 'e nie.

S'annu passadu in su mese 'e abrile
Cand'apo a benner a isposare a tie
at a esser sa leze cambiada,
non bi det aere Istadu Civile.

 

 

In sa turre 'e Babele
preigat Costantinu
su grande imperadore
pro Roma santa e bona.

In sa turre 'e Babele
Subra de sa corona
jura chi m'as amore
e chi m'amas continu
e ses pro me fidele.

 

 

Sapadu a mesu die
partit sa turturella
in d'unu bastimentu
pro la jugher a Pisa.

Sapadu a mesu die
Ne ora ne mamentu
che lean a Marfisa
e la ponen in zella
pro non bider a mie.

 

 

 

Batordighi soldados
faghen sa sentinella
pro tentare una giostra.

Batordighi soldados
Ite copia bella
fit istada sa nostra
si nos fimus leados.

 

 

Donzi 'orta chi 'enzo
sa mendula est in frore
pro minde manigare.

Donzi 'orta chi 'enzo
Si che colo a cantare
non canto pro amore
ca sa mea la tenzo.

 

 

 

Sa barca piscaiola
piscat in mesu mare
aligusta e pagellu.

Sa barca piscaiola
Columbu meu bellu
s'istentas a torrare
sa rosa siche 'olat.